Кожны год, 9 мая, у нашым пасёлку Гарадзішча, прыходзяць ветэраны вайны і ўсе людзі да помніка, каб успомніць загінуўшых людзей у час Вялікай Айчынай Вайны.

    І нашы дзеці старэйшых груп не выключэнне- яны таксама адправіліся да помніка, каб ускласці кветкі і нізка пакланіцца за мір на Зямлі. Яны даведаліся, што у час вайны загінуў кожны трэці беларус. Шмат салдат загінула, змагаючыся з фашыстамі.

       У Дзень Перамогі віншуюць удзельнікаў вайны з іх святам, дораць ім кветкі і жадаюць моцнага здароўя і мірнага неба над галавой. Гэта свята адначасова радаснае і сумнае. У гэты дзень сустракаюцца тыя, хто разам ваяваў за свабоду і незалежнасць нашай Радзімы. Яны ўспамінаюць пра даўнія баі з фашыстамі, пра сваіх франтавых сяброў, пра тых, хто загінуў.

Ляжыць салдат ля пераправы,

Каля маленькае ракі.

Ляжыць салдат

Вялікай славы,

Крывёй здабытай на вякі.

Шуміць над ім гушчар зялёны,

Плывуць аблокаў караблі.

Ён паў,

Пазбавіўшы палону

Вось гэты кут сваёй зямлі.

Ляжыць і сніць ён аб народзе,

Якому шчасце –вольна жыць!