Дзяцей старшай інтэгрыраванай групы і іх бацькоў запрасілі на навагодняе свята “Цуды ля ёлкі”. З вясёлымі гульнямі на свята завіталі казачныя персанажы: Чараўнік, Гномік, Снегавік. Дзеці кружыліся ў карагодах ля прыгожа ўпрыгожанай ёлкі, расказвалі вершы, спявалі песні. З падарункамі для малых з’явіліся Дзед Мароз і Снегурачка. Дзіяна Мароз уважліва прыглядалася да казачнага персанажа, вельмі ж вочы і голас падобны на татавы! А як-жа, прозвішча Уладзіміра Аляксеевіча Мароза абавязвае раз у год тварыць цуды для дзетвары. Як весела ля навагодняй ёлкі!