Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Для нас гэта беларуская мова.

  Педагогі нашай дашкольнай установы праз арганізацыю адукацыйнай дзейнасці  далучаюць выхаванцаў да ўмення яе разумець, на ёй размаўляць, яе шанаваць.

   Змітрак Бядуля пісаў: “Не саромся, беларус, гаманіць па-свойму - на роднай мове бацькоў і дзядоў сваіх. Шануй сваю мову, шануй свае песні, свае казкі, звычаі і ўсё роднае - гэта спадчына дзядоў і вялікі нацыянальны скарб.”