Блакіт нябёс і белы бусел,

І кветкі ў полі, як абрус…

Мой край завецца Беларуссю,

А сам я хлопчык—беларус.   С.Сокалаў-Воюш

   Ужо ў дашкольным узросце дзецям неабходна даць першапачатковыя веды пра нашу Радзіму—Беларусь, пазнаёміць з роднымі мясцінамі. Дзеці ўсведамляюць, што іх горад, сяло, лес, рачулка—частка Радзімы і кожная мясціна непаўторная па сваёй прыгажосці. Добрай падставай для выхавання ў дзяцей патрыятычных пачуццяў з’яўляецца азнаямленне з традыцыямі і звычаямі беларускага народа, іх асаблівасцямі жыцця ў мінулым: адзеннем, прыладамі працы, нацыянальнымі стравамі, рамёствамі. З гэтай мэтай у рознаўзроставай групе праводзіліся не толькі спецыяльныя заняткі і экскурсіі, але і свята “Квітней родная Беларусь”. Дарослыя разам з децьмі танцавалі беларускія народныя танцы, спявалі песні, вадзілі карагоды, ігралі на музычных інструментах, частаваліся беларускімі нацыянальнымі стравамі, якія прыгатавалі бабуля Ганна і дзед Міхась.