У рамках Рэспубліканскай акцыі Адзінага Дня Бяспекі ў ДУА “Гарадзішчанскі яслі-сад” быў арганізаваны рад мерапрыемстваў па прадухіленню небяспечных выпадкаў сярод супрацоўнікаў і выхаванцаў.
Прадстаўнік МНС наведаў установу адукацыі і правёў тлумачальную гутарку з калектывам па прадухіленню узнікнення пажараў на працоўных месцах і ў хатніх умовах. Паведаміў статыстыку ўзнікнення пажараў і іх ахвяр. Напомніў алгарытм дзеянняў пры ўзнікненні пажару.
З выхаванцамі старшай групы Варвашэвіч Сяргей Іванавіч правёў гульню- віктарыну “Каб пажар не ўзнікаў – правілы ты ведай”. Затым выхаванцы прадэманстравалі атрыбуты для сюжэтна-ролевай гульні “Выратавальнікі”.
З мэтай адпрацоўкі алгарытму дзеянняў у выпадку эвакуацыі правялі вучэбную эвакуацыю выхаванцаў усіх групаў і супрацоўнікаў. Пасля гукасвятлавога сігналу дзеці пад кіраўніцтвам педагогаў стараліся як мага хутчэй апрануца і арганізавана пакінуць памяшканні дашкольнай установы. Пасля праверкі наяўнасці ўсіх дзяцей прайшлі ў бяспечнае месца.
Выхавальнікі Ломжа Т.М. і Цімошчык Ж.М. арганізавалі экскурсію ў пажарную частку г.п. Гарадзішча. Пажарныя расказалі пра сваю працу, прадэманстравалі амуніцыю і працоўныя прылады, запыталі ў дашкольнікаў правілы бяспечных паводзін, дазволілі разглядзець пажарную машыну.
У другую палову дня для выхаванцаў быў арганізаваны відэапрагляд навучальных мультфільмаў МНС.
Да ўвагі бацькоў былі прадстаўлены памяткі “Як пазбегнуць пажару”, “Утульны і бяспечны дом”.