У старшай інтэгрыраванай групе была арганізавана і праведзена гульнёвая праграма “Мая Радзіма – Беларусь”. Выхаванцы падзяліліся на каманды “Васілёк” і “Канюшынка”, якія спаборнічалі паміж сабой у тым, хто найлепш ведае сваю Радзіму, а таксама спрабавалі свае сілы і дэманстравалі таленты, спрыт і кемлівасць ўдзельнічаючы ў народных гульнях, расказваючы жарты, забаўлянкі і прымаўкі. Да дзяцей завітаў казачны персанаж – Каток-Залаты лабок з поўнаю торбаю казачных цудаў.   Для падтрымкі святочнага настрою хлопчыкі і дзяўчынкі пад кіраўніцтвам Савіцкага І.І. дружна выконвалі народныя песні і танцы. Затым былі падведзены вынікі спаборніцтваў паміж дзвюмя камандамі і пры дапамозе Катка атрыманыя ўзнагароды ператварыліся ў салодкія пачастункі на радасць усіх удзельнікаў гульні.