Чаго ў дзіцячым садзе звычайна чакаюць дзеці? Вядома, свята! Хай у календары і няма ніякай знамянальнай даты, але чаму б не зладзіць свята ў гонар іншай падзеі, напрыклад, надыхода восені.

  У рознаўзроставай групе прайшло святочнае мерапрыемства, прысвечанае восені. На двары холадна і золь, а ў нас у зале панавала цёплая, дабразычлівая атмасфера. Дзеці вадзілі карагоды, спявалі песні пра восень, гулялі ў вясёлыя гульні, чыталі вершы.

  Дзіцячыя восеньскія святы—гэта мора ўсмешак і весялосці, бо хоць і кажуць, што восень—маркотная пара, але дзеці, як ніхто іншы, здольныя радавацца залацістым лісцям пад нагамі.

  Свята атрымалася на славу.