У старшай інтэгрыраванай групе была арганізавана і праведзена гульнёвая праграма “У гасцях у Шарыка і Матроскіна”. Выхаванцы адправіліся ў Прастаквашына на дапамогу Шарыку і Матроскіну. Дзеці падзяліліся на дзве каманды і спаборнічалі паміж сабой у зборы ўраджаю. Да дзяцей завітала Восень з кошыкам загадак і жартоўных заданняў. Для падтрымкі святочнага настрою хлопчыкі і дзяўчынкі пад кіраўніцтвам Савіцкага І.І. дружна выконвалі песні і танцы. Затым былі падведзены вынікі спаборніцтваў паміж дзвюмя камандамі і пры дапамозе Восені атрыманыя ўзнагароды ператварыліся ў салодкія пачастункі на радасць усіх удзельнікаў гульні.